معاناة فتاة بسبب التقاليد ( الجزء الاول مقدمة القصة )
معاناة فتاة بسبب التقاليد ( الجزء الاول مقدمة القصة )
الحياة قاسية بزاف إلا مخدمتيش مغاديش تاكل طرف ديال الخبز .. دنيا علمتني نكون قويا كثر من القياس حيت عامرة غير بالوحوش ...
نسيت معرفتكمش برااسي مهم انا عفاف 20 سنة طويلة طاي ديالي لي شفاها كيگوليا عارضة الأزياء(اللهم زيدني تواضعا ههه) فمي حمر وصغير شعر كحل طويل شوية عينييا بحال ديال بابا .. عايشة انا و ماما بابا الله يرحمو مات ملي كنت صغيرة كانت عندي ديك 12 سنة بحال هاكاك .
انا كنخدم في واحد ريسطو كيجيو ليها غي شكون شكون صحاب (اللعاقة) مولاها رجل طيب بزااف كيتعامل معانا مزيان معمرو گال لينا شي عيب منين ندخل ريسطو ماكاين غير : واحد دقيقة عفاك و انا ما عليا نقول غير : واخا .... شنو حب الخاطر اسيدي هادا هو حالي من طابلة لطابلة نهار كاامل داز الوقت وكملت نهارى بمشقتي الأنفاس دخلت الدار لقيت ماما گلسة كتسنى فيا مسكينة.
• ماما : على سلامتك ابنتي .
• انا : الله يسلمك احبيبة ديالي اجي نبوسك توحشتك
• ماما : ههه اه ابنتي الحمقة حتا انا اجي عندي (مشيت تخشيت فيها كنعنق ونبوس ههه)
• انا : ماما فيا جوووع
• ماما : واخا انا غادي نحط ليك
• انا : اوكي بيما نصلي نيت انجي مشيت نيشان لبيتي صليت وهبطت كليت انا و ماما بقينا كنتعودو حتا جاني نعاس مشيت لبيتي طحت على ناموسيتي معقلت على راااسي حتا الصباح
• ماما : عفاف فيقي ابنتي راكي غادي تعطلي على الخدمة
• انا : واخا غي 5 دقايق
• ماما : نودي براكة علييك راكي غادي تعطلي
• انا : وااااخا ا ماما هانا نايضة مشيت الطواليط قديت حاجتي وهبطت نفطر مع نبع الحنااان ديالي
• انا : صبااااح الخير ماما
• ماما : صبااح نور حبيبة ماماها
• انا : كيخصني نفطر داغية باش نمشي
• ماما : مزال الحال ابنتي فطري مزيان عاد سيري
• انا : راه انتعطل اماما واليوم حاجز شي وااحد المطعم كاامل
• ماما : علاه شنو كااين
• انا : شي وااحد داير الإجتماع وحاجز المطعم
• ماما : اوا الله يعاااونك ابنتي
• انا : امييييييييييييييييين ا ماما .. هانا مشيت دعي معايا
• ماما : سيري الله يباعد عليك ولاد الحراام
• انا : امين ا حبيبتي بسلامة
• ماما : بسلامة ابنتي
يتبع